امير الضلام
03-03-2010, 05:12 PM
http://www.hespress.com/_img/bahloul.jpg
كيكول المثل المغربي : الزين كيحشم على زينو..وكملو من عندكوم, هاد البهلول الملقب بمحمد عزام اللي جابو لينا سعيد الناصري الله ياخد فيه الحق ولا داير لينا حالة, من بعد ما كلّخ ليا الناس اللي كيسمعو للراديو بالبرامج ديالو التافهة والهضرة ديالو اللي ما عندها لا ساس لا راس, هاهو دخلها بصباطه عاوتاني و دار شي مجلة ما مجلة ديال الأطفال أسمها : "عمر وسلمى", طلقها عوتاني على "كمال لحلو" اللي باينة غادي يدير فاييت إيلا بقا داير راسو فبهيليلة, المهم, ملي كتقلب هاد المجلة اللي سميتها "عمر وسلمى" كتلقى غير القصص المصورة ديال بهيليلة, ها بهلول السوبر, ها مغامرات بهلول , ها بوكليب لكحل ديال بهلول, واعيينا نقلبو على هاد "عمر و سلمى" بحال "فضولي" ديال مجلة ماجد مالقيناهومش, وتكووول, المشكل أن هاد "التخربيق" زعما راه موجّه للأطفال, يعني تصوّرو معايا الأطفال ديالنا ياخدو "بهلول" قدوة -أنظر الصورة- يعني مشاو خلا الله يحضّر السلامة..
نحمدو الله بعدا من اللي نزلات المبيعات ديال مجلة لالة فاطمة اللي معاها القصة ديال الأطفال ومبقا كيقراهوم حدّ, كيفما نزلات نسبة الاستماع ديال كازا إف إم بشكل كبير , والفضل كيرجع ديما لسّي البهلول ملك الفشل والفاشلين, واخا هاد الفشلة كتكون صادقة ليهوم فهاد لبلاد,لأن عندهوم ديمة سنطيحة عريضة ولسان كبير باش يلحسو بيه الكابّة, وملي كيضبرو شوية لفلوس كيسحابو راه الناس كيبغيوهوم بصح وراهوم فنانة نيت.
الحاصيل, لمغاربة راهوم عايقين ببحال هادو اللي معمرين التلفزة والراديوات, و ماتدوزهاش عليهوم, وكيكولو ديما: اللي عندو عندو أمسكين..
كيكول المثل المغربي : الزين كيحشم على زينو..وكملو من عندكوم, هاد البهلول الملقب بمحمد عزام اللي جابو لينا سعيد الناصري الله ياخد فيه الحق ولا داير لينا حالة, من بعد ما كلّخ ليا الناس اللي كيسمعو للراديو بالبرامج ديالو التافهة والهضرة ديالو اللي ما عندها لا ساس لا راس, هاهو دخلها بصباطه عاوتاني و دار شي مجلة ما مجلة ديال الأطفال أسمها : "عمر وسلمى", طلقها عوتاني على "كمال لحلو" اللي باينة غادي يدير فاييت إيلا بقا داير راسو فبهيليلة, المهم, ملي كتقلب هاد المجلة اللي سميتها "عمر وسلمى" كتلقى غير القصص المصورة ديال بهيليلة, ها بهلول السوبر, ها مغامرات بهلول , ها بوكليب لكحل ديال بهلول, واعيينا نقلبو على هاد "عمر و سلمى" بحال "فضولي" ديال مجلة ماجد مالقيناهومش, وتكووول, المشكل أن هاد "التخربيق" زعما راه موجّه للأطفال, يعني تصوّرو معايا الأطفال ديالنا ياخدو "بهلول" قدوة -أنظر الصورة- يعني مشاو خلا الله يحضّر السلامة..
نحمدو الله بعدا من اللي نزلات المبيعات ديال مجلة لالة فاطمة اللي معاها القصة ديال الأطفال ومبقا كيقراهوم حدّ, كيفما نزلات نسبة الاستماع ديال كازا إف إم بشكل كبير , والفضل كيرجع ديما لسّي البهلول ملك الفشل والفاشلين, واخا هاد الفشلة كتكون صادقة ليهوم فهاد لبلاد,لأن عندهوم ديمة سنطيحة عريضة ولسان كبير باش يلحسو بيه الكابّة, وملي كيضبرو شوية لفلوس كيسحابو راه الناس كيبغيوهوم بصح وراهوم فنانة نيت.
الحاصيل, لمغاربة راهوم عايقين ببحال هادو اللي معمرين التلفزة والراديوات, و ماتدوزهاش عليهوم, وكيكولو ديما: اللي عندو عندو أمسكين..