امير الضلام
03-10-2010, 06:48 PM
http://www.hespress.com/trigil/admin/files/newspublish/647c3_yy.jpg
فالمغرب القديم, كانو الدريات ديال الدرب إيلا "نكَ" عليهوم شي واحد كتوقع حالة استنفار , السيد المؤدب مسكين اللي لاح هاديك الكليمة للدرية ولا غمزها -الغمزة لمعيقة ديال داك الوقت- كيلقا راسو دارو ليه يد من لفوكَانية, الدرب كولو كيدير الباروك واخا غير بتصرفيقة, الصغار ولكبار, دابا وقت آخر, الدرية إيلا فاتوها غير هادوك ولاد دربهوم راه عندها الزهر, الدرية مسكينة مبقاتش كتقد تمشي جوج خطوات فالدرب بلا متسمع أشكال وألوان من القواميس ديال الكلمات القامشة للحياء, هاد الشي بلا منهضرو على الاحتكاكات ديال الطوبيسات اللي ولات كيتمارس بالعلالي, ولكم في طوبيسات الأحياء الصناعية أسوة حسنة فهاد الشي..
المفاهيم ديال "بنت الدرب" و" النفس" ولات عملة غير متداولة عند هاد الجيل ديال التشويكة اللي ولات عندو "البربوقة" طريقة حياة, هاد الجيل اللي خلاتو التكنولوجيا يحفّن قشور الثقافات الغربية من كل جهة وتخلطت عليه الدعاوي ديال الفساد السياسي تا ولا عبارة على كائنات مسلوبة الإرادة كتمشي على الأرض دون هوية وبدون هدف, مكون من ناس تالفة متلّفة ماكتمشي لنوادي رياضة ما كتتأطر فشبيبة أحزاب سياسية ما كتقرا ما كتتربا فديور.. فين غادين الله وعلم.. وفاللخر كيجيو الناس اللي كانو سباب كيتعجبو ملي كيشوفو أنه ولا عندنا مجتمع ممأدبش, ممخلقش..
علاه أشنو غانتسناو زعما أكثر من هاد الشي؟
محمد العابوسي
فالمغرب القديم, كانو الدريات ديال الدرب إيلا "نكَ" عليهوم شي واحد كتوقع حالة استنفار , السيد المؤدب مسكين اللي لاح هاديك الكليمة للدرية ولا غمزها -الغمزة لمعيقة ديال داك الوقت- كيلقا راسو دارو ليه يد من لفوكَانية, الدرب كولو كيدير الباروك واخا غير بتصرفيقة, الصغار ولكبار, دابا وقت آخر, الدرية إيلا فاتوها غير هادوك ولاد دربهوم راه عندها الزهر, الدرية مسكينة مبقاتش كتقد تمشي جوج خطوات فالدرب بلا متسمع أشكال وألوان من القواميس ديال الكلمات القامشة للحياء, هاد الشي بلا منهضرو على الاحتكاكات ديال الطوبيسات اللي ولات كيتمارس بالعلالي, ولكم في طوبيسات الأحياء الصناعية أسوة حسنة فهاد الشي..
المفاهيم ديال "بنت الدرب" و" النفس" ولات عملة غير متداولة عند هاد الجيل ديال التشويكة اللي ولات عندو "البربوقة" طريقة حياة, هاد الجيل اللي خلاتو التكنولوجيا يحفّن قشور الثقافات الغربية من كل جهة وتخلطت عليه الدعاوي ديال الفساد السياسي تا ولا عبارة على كائنات مسلوبة الإرادة كتمشي على الأرض دون هوية وبدون هدف, مكون من ناس تالفة متلّفة ماكتمشي لنوادي رياضة ما كتتأطر فشبيبة أحزاب سياسية ما كتقرا ما كتتربا فديور.. فين غادين الله وعلم.. وفاللخر كيجيو الناس اللي كانو سباب كيتعجبو ملي كيشوفو أنه ولا عندنا مجتمع ممأدبش, ممخلقش..
علاه أشنو غانتسناو زعما أكثر من هاد الشي؟
محمد العابوسي