ولد عبيبيس كيطالب الأحداث بمليون درهم

[امير الضلام]

http://www.hespress.com/trigil/admin/files/newspublish/5079b_ahdat.jpg جريدة الأحداث المغربية فالمحكمة هاد الأيام, والسبب الولد المدلل ديال عبيبيس اللي رافع ضدها دعوى قضائية, لأن الجريدة فضحاتو نهار كانت دوزات ليه طاطاه يسمينة بادو -وزيرة قلة الصحة- صفقة الحملة الإعلامية ديال أنفلونزا الخنازير, واخا الشركة ديالو معندها علاقة بهاد الشي..
الوليد ديال عبيبيس الضريف واللي حنيكاتو حمرين بماكلة دانون ورايبي كيطالب الجريدة بمليون درهم كتعويض على الإساءة,يعني بزاف ديال لفلوس اللي يقدرو يسدو هاد الجورنان كَاع.. الله يرحم الدرهم الرمزي ديال الحسن الثاني ..
القضية باينة أن المطالبة بهاد المبلغ ما هو إلا حلقة من المسلسل ديال تصفية المنابر الإعلامية المستقلة ..خصوصا أن الأحداث كانت من بين الجرائد اللي فضحات شي مسئولين كبار واللي باقين حاقدين عليها تالدابا..
الحاصول .. فاش خلاوها إخوانا المصريين "شيل ده من ده يرتاح ده عن ده" .. والهضرة على عبيبيس وترّيكتو سباب المصايب كلها اللي كتطرا فهاد لبلاد..