امير الضلام
04-04-2010, 09:03 PM
الناظور ديما فيها الجديد، مايمكنش شي نهار ما يوقع والو، وضروري خاص يوقع باش نلقاو مانكتبو، ماشي ضروري شي حاجة خايبة طرا، ولن الخبيرة خاصها تكون.
المسركل تسركل و جاب خبار صحاب الناظور، ماكاين غير لي يعصب، ايوا الله يجيب لينا باش نفرحو
ماتت روح ...علقو السبيطار
جميلة 46 سنة ،جات لسبيطار باش تولد من بعد 9 شهر ديال التقل،دخلات مخرجات، لا هي لا لي فكرشها ،المرحومة كانت فصحة مزيانة وعندها 3 ديال لوليدات، لي ترزاو فالأم ديالهم وهوما مازال صغار،السبب كال المندوب ديال الصحة هو واحد الحالة طبية عندها واحد السمية مخربقة ولكن فهمنا كيفاش،الما لي فكرش الحاملة يلا مشا للرية كتخنق وتموت،ولكن العائلة ما مقتنعاش بهاد التبريروكيكولو راه هملوها وخلاوها تموت،ولي غادي يفصل فهاد الصداع ،" التشريح لغادي يبين كلشي و عليه يتبنا كلشي،الى كان الطبيب يتحاسب ،ولا ديال الله راه ديال الله،واللي وقع دابا وقع،الله يرحمها" كاينا السي المندوب.
معطلين ومناضلين
المعطلين مازال كيناضلو، اليوم كملو البرنامج النضالي ديال هاد السيمانة،كيف ديما المخزن تكب على الجهد،البلير، المخازنية، البركاكة،الكراد ديال البوليس كامل كان تماك ،الكومسيرات سدو حوانتهم وجابو معهم وليداتهم،وسرق الناظور كامل فديك الساعة والله لا داها فيك شي واحد،الحاصول المعطلين عطاوها للشعارات، وقاسح داكشي زعما،كتشوف فمخازنية مزيرين على الهراوة راهم على سبة، واخد اللقيطة كومندار ديال البوليس عيط لواحد المخيزني-حيت المخزني الشاف كان مع القايد المصرفق-وكاليه زيدو قربو عندهوم راه الطريق سديتوها،وهو يدير بكلامو،و صبنو الشاف ديالو كاليه أنا لي نحكم فيك ماشي هداك،الخضر والزرق ما مفهمينش،.بقاو الخوت فالشعارات ما كاين غي الحار و المخزن حاضي،القايد معاجبو حال و هو يكول لواحد الكوميسير"وقانونيا خصنا نسلخو راه عيقو"وقلبو كحل ومسموم الله يستر ولكن المعطلين مازال يعمروليه القلب .
الحاصول نطلبو يجيب الله شي واحد يخدم المعطلين حيت هادو لي هنايا مارشقاش ليهم.
ماما فعمرها 13 عام
بنت فعمرها 13 عام ولدات فالسبيطار الحسني،البوليس حاولو يعتمو على الخبار،ولكن ماشي مع امير الضلام،البنت كتكول بلي شي واحد حملها وداك الديسك ديال الزواج والهدرة ديال البيض ولكحل،دوزات 5 ايام فالسبيطار وهوما يطيرو بيها الحناش.علاش؟وما كاين والو غاباش يسجلوها عندهوم هي وولدها لا تقتلو ولا تلوحو.راه عندها 13 عام مازال مدارت ضرسة العقل ،ومول الفعلة؟يخلصو الله.
المسركل تسركل و جاب خبار صحاب الناظور، ماكاين غير لي يعصب، ايوا الله يجيب لينا باش نفرحو
ماتت روح ...علقو السبيطار
جميلة 46 سنة ،جات لسبيطار باش تولد من بعد 9 شهر ديال التقل،دخلات مخرجات، لا هي لا لي فكرشها ،المرحومة كانت فصحة مزيانة وعندها 3 ديال لوليدات، لي ترزاو فالأم ديالهم وهوما مازال صغار،السبب كال المندوب ديال الصحة هو واحد الحالة طبية عندها واحد السمية مخربقة ولكن فهمنا كيفاش،الما لي فكرش الحاملة يلا مشا للرية كتخنق وتموت،ولكن العائلة ما مقتنعاش بهاد التبريروكيكولو راه هملوها وخلاوها تموت،ولي غادي يفصل فهاد الصداع ،" التشريح لغادي يبين كلشي و عليه يتبنا كلشي،الى كان الطبيب يتحاسب ،ولا ديال الله راه ديال الله،واللي وقع دابا وقع،الله يرحمها" كاينا السي المندوب.
معطلين ومناضلين
المعطلين مازال كيناضلو، اليوم كملو البرنامج النضالي ديال هاد السيمانة،كيف ديما المخزن تكب على الجهد،البلير، المخازنية، البركاكة،الكراد ديال البوليس كامل كان تماك ،الكومسيرات سدو حوانتهم وجابو معهم وليداتهم،وسرق الناظور كامل فديك الساعة والله لا داها فيك شي واحد،الحاصول المعطلين عطاوها للشعارات، وقاسح داكشي زعما،كتشوف فمخازنية مزيرين على الهراوة راهم على سبة، واخد اللقيطة كومندار ديال البوليس عيط لواحد المخيزني-حيت المخزني الشاف كان مع القايد المصرفق-وكاليه زيدو قربو عندهوم راه الطريق سديتوها،وهو يدير بكلامو،و صبنو الشاف ديالو كاليه أنا لي نحكم فيك ماشي هداك،الخضر والزرق ما مفهمينش،.بقاو الخوت فالشعارات ما كاين غي الحار و المخزن حاضي،القايد معاجبو حال و هو يكول لواحد الكوميسير"وقانونيا خصنا نسلخو راه عيقو"وقلبو كحل ومسموم الله يستر ولكن المعطلين مازال يعمروليه القلب .
الحاصول نطلبو يجيب الله شي واحد يخدم المعطلين حيت هادو لي هنايا مارشقاش ليهم.
ماما فعمرها 13 عام
بنت فعمرها 13 عام ولدات فالسبيطار الحسني،البوليس حاولو يعتمو على الخبار،ولكن ماشي مع امير الضلام،البنت كتكول بلي شي واحد حملها وداك الديسك ديال الزواج والهدرة ديال البيض ولكحل،دوزات 5 ايام فالسبيطار وهوما يطيرو بيها الحناش.علاش؟وما كاين والو غاباش يسجلوها عندهوم هي وولدها لا تقتلو ولا تلوحو.راه عندها 13 عام مازال مدارت ضرسة العقل ،ومول الفعلة؟يخلصو الله.