.................الى امى [الأرشيف] - منتديات لوكس ماروك

nena

10-21-2009, 09:21 PM

يانخله مده ف السما عودها
وبعد السما بتمد ف جريدها
ياقلب جمارك طيب
لين على سنانى
طرح السباط حلاوه ربانى
لاهو سمانى
ولاهو حيانى
بلحك يانخله نوع تانى
مخلوق علشانى
يسقينى طهر المحبه
من حب وجدانى
رضعت بلحك
وانا كنت ف اللفه
دارا جريدك عليا
بحب وبلهفه
لما كبرت
ابعد واسافر وارجع
وعمره مانسانى
طعم البلح
كان لسه ف لسانى
طعم البلح
شكلى وجدانى
من خوص جريدك
توبى غزلتيهلى
ولبستيهلى
ومن جريدك
عشيشتيلى عشى
جريدك شكله
كما رمشى
قلبى نوى بلحك
وشكلى فى ملمحك
لو تظلمينى
من قلبى راح اسمحك
مانتى الى جدورك
مده ف شراينى...........

Www.LuxMaroc.Com

кιηg σƒ ℓσνє

10-21-2009, 09:25 PM

قصيدة رائعة وممتازة أختي نينا

واصلي تميزكي ولا تحرمينا من جديدكي

حياكي الله أختاه