кιηg σƒ ℓσνє
05-04-2010, 04:23 PM
http://www.m0dy.net/vb/imgcache/3559.imgcache
مــوضوع هــام للــنقاش أطرحــه هــنا لنصــل الى حلـ ميثالي ولاجتبة مقنعة على الــسؤال
علاش الشيشة ممنوعة و الكارو مسموح ؟؟؟
كالعادة من مور الخدمة ديما خصني ندرب دورة و ندير شي قهيوة عاد نامشي نتكمش فالدار و نرتاح، هاد المرة و فالطريق للقهوة المعتادة لي كنريح فيها، لقيت السطافيطات و لحناش و البوليس و الروينة نايضة حدا واحد القهوة ديما كا نشوفها عامرة و معمر زعمت ندخل ليها.
مشيت ندرب طلة و نشم شم أش واقع بحال كل المغاربة اللي ما يقدروش إزكلو شي حاجة بحال هادي، قلت باين شي بولحية بغا يتفركع و لا شي عصابة إجرامية شدوها و لا شي حد تا يبيع البيضة و الكوكايين و نزلو عليه، تا ينطق واحد الشريف كان حاضر من الأول و قال والله إلى خرجو فيهم داكشي لكان باقي لينا غير الشيشة.
عاد فهمت الستون و أش داير، القضية و ما فيها أن البوليس جاو و تم حجز كاع قنينات الشيشة و هازو تا شي كليان كان كالس، قالك لأن المقهى معندوش رخصة لتقديم الشيشة و هي أصلا ممنوعة.
من بعد هاد التشمشيمة كملت طريقي وصلت لقوهتي و نا نريح و نطلب كالعادة قهوة نص نص. القهوة كانت عامرة و كلشي كيكمي الكارو و يصوط ، البلاصة و لات بحال شي شاطمة كبيرة تتخرج الدخان. و على نيتي عيط لصاديقي أحمد لي خدام فالقهوة قلت ليه ووقاف هاد الناس لكيكميو راه غا يجي البوليس يسد القهوة راه يالله خليتهم كيسدوا قهوة ديال الشيشة،و هو يتفرشخ عليا بالضحك و قال ليا يا ولد الكسالة واش الشيشة هي الكارو مالك مسطي.
و رجعت الكاسيط اللور و تفكرت أنا واحد الكوميسير من هادوك اللي سدو القهوة ديال الشيشة كان هاز كارو و عادي.
http://www.middle-east-online.com/pictures/biga/_19085_water_pipe_3-11-2003.jpg
أجيو ماشي هاد الستون فشكل، أشنو هو الفرق بين الشيشة و الكارو باش الأولى تكون ممنوعة و التاني هانية. ياك بجوجهم فيهم النيكوتين و كيضرو الصحة دبنادم. و التدخين بأنواعه كيقتل. و تا الفقهة ديالنا كيدرو فتاوى على الكارو و الشيشة بأنهم حرام ماشي غير الشيشة.
قاليك أن السبب في منعها هو أن الشيشة كيدار فيها لحشيش، ياك تال كارو كيدار فيه لحشيش، و السبب الثاني الذي يبرر به البعض هاد المنع أن البنات يقبلون عليها بكثرة و معارفينش بأن تا العدد ديال البنات مدخنات السجارة رتفعوا في المغرب بالزايد.
و هاد منع الشيشة كاع خرجو كيطالبو به الأحزاب السياسية و أولهم العدالة و التنمية و زاد تبعهم تا بلدوزر ديال فاس شباط عضو الدوان السياسي ديال حزب الميزان و عمدة فاس لخرج قرار إغلاق مقاهي الشيشة في فاس و ناضة روينة مع الناس ديال التراكتور على هاد النقطة.
و معمر كانت رونة هاكا على الكارو و معمرنا سمعنا شي حد قالك منع التدخين في الأماكن العمومية.راه ماشي معقول هادشي إما تمنعو الزبل كولو و لا نخلوه كولو أما نديرو هاه و هاهم جياش أعباد الله، راه ممفهوماش و ما غيتقبلهاش لعقل.
وراه الكارو بحالو بحال الشيشة التي إخترعت من طرف واحد الطبيب في الفترة المغولية بإعتقاد أنها و سيلة غير ضارة لتدخين الحشيش و كترجع أصل الشيشة لبلاد فارس و كيتقال أنه من وسط الهند و من بعد إنتشرت عالميا من خلال الدولة العثمانية .
هاد الزغبي ديال الطبيب الهندي دار لينا غير المشاكل لكان مخترعهاش كاع ما نطيحو فهاد الستون.
و أنا راه عوال ندير شرع يديا وخا مكنكميش غا نأسس حركة سميتها كي شيشا كي لكارو منعهوم بجوج و لا خلوهم بجوج
مــوضوع هــام للــنقاش أطرحــه هــنا لنصــل الى حلـ ميثالي ولاجتبة مقنعة على الــسؤال
علاش الشيشة ممنوعة و الكارو مسموح ؟؟؟
كالعادة من مور الخدمة ديما خصني ندرب دورة و ندير شي قهيوة عاد نامشي نتكمش فالدار و نرتاح، هاد المرة و فالطريق للقهوة المعتادة لي كنريح فيها، لقيت السطافيطات و لحناش و البوليس و الروينة نايضة حدا واحد القهوة ديما كا نشوفها عامرة و معمر زعمت ندخل ليها.
مشيت ندرب طلة و نشم شم أش واقع بحال كل المغاربة اللي ما يقدروش إزكلو شي حاجة بحال هادي، قلت باين شي بولحية بغا يتفركع و لا شي عصابة إجرامية شدوها و لا شي حد تا يبيع البيضة و الكوكايين و نزلو عليه، تا ينطق واحد الشريف كان حاضر من الأول و قال والله إلى خرجو فيهم داكشي لكان باقي لينا غير الشيشة.
عاد فهمت الستون و أش داير، القضية و ما فيها أن البوليس جاو و تم حجز كاع قنينات الشيشة و هازو تا شي كليان كان كالس، قالك لأن المقهى معندوش رخصة لتقديم الشيشة و هي أصلا ممنوعة.
من بعد هاد التشمشيمة كملت طريقي وصلت لقوهتي و نا نريح و نطلب كالعادة قهوة نص نص. القهوة كانت عامرة و كلشي كيكمي الكارو و يصوط ، البلاصة و لات بحال شي شاطمة كبيرة تتخرج الدخان. و على نيتي عيط لصاديقي أحمد لي خدام فالقهوة قلت ليه ووقاف هاد الناس لكيكميو راه غا يجي البوليس يسد القهوة راه يالله خليتهم كيسدوا قهوة ديال الشيشة،و هو يتفرشخ عليا بالضحك و قال ليا يا ولد الكسالة واش الشيشة هي الكارو مالك مسطي.
و رجعت الكاسيط اللور و تفكرت أنا واحد الكوميسير من هادوك اللي سدو القهوة ديال الشيشة كان هاز كارو و عادي.
http://www.middle-east-online.com/pictures/biga/_19085_water_pipe_3-11-2003.jpg
أجيو ماشي هاد الستون فشكل، أشنو هو الفرق بين الشيشة و الكارو باش الأولى تكون ممنوعة و التاني هانية. ياك بجوجهم فيهم النيكوتين و كيضرو الصحة دبنادم. و التدخين بأنواعه كيقتل. و تا الفقهة ديالنا كيدرو فتاوى على الكارو و الشيشة بأنهم حرام ماشي غير الشيشة.
قاليك أن السبب في منعها هو أن الشيشة كيدار فيها لحشيش، ياك تال كارو كيدار فيه لحشيش، و السبب الثاني الذي يبرر به البعض هاد المنع أن البنات يقبلون عليها بكثرة و معارفينش بأن تا العدد ديال البنات مدخنات السجارة رتفعوا في المغرب بالزايد.
و هاد منع الشيشة كاع خرجو كيطالبو به الأحزاب السياسية و أولهم العدالة و التنمية و زاد تبعهم تا بلدوزر ديال فاس شباط عضو الدوان السياسي ديال حزب الميزان و عمدة فاس لخرج قرار إغلاق مقاهي الشيشة في فاس و ناضة روينة مع الناس ديال التراكتور على هاد النقطة.
و معمر كانت رونة هاكا على الكارو و معمرنا سمعنا شي حد قالك منع التدخين في الأماكن العمومية.راه ماشي معقول هادشي إما تمنعو الزبل كولو و لا نخلوه كولو أما نديرو هاه و هاهم جياش أعباد الله، راه ممفهوماش و ما غيتقبلهاش لعقل.
وراه الكارو بحالو بحال الشيشة التي إخترعت من طرف واحد الطبيب في الفترة المغولية بإعتقاد أنها و سيلة غير ضارة لتدخين الحشيش و كترجع أصل الشيشة لبلاد فارس و كيتقال أنه من وسط الهند و من بعد إنتشرت عالميا من خلال الدولة العثمانية .
هاد الزغبي ديال الطبيب الهندي دار لينا غير المشاكل لكان مخترعهاش كاع ما نطيحو فهاد الستون.
و أنا راه عوال ندير شرع يديا وخا مكنكميش غا نأسس حركة سميتها كي شيشا كي لكارو منعهوم بجوج و لا خلوهم بجوج